Еколошка акција во рамки на кампања “Куманово мој зелен дом”

Со низа еколошки активности, денеска беше одбележан денот на пролетта и екологијата 21 Март, во организација на Секторот за образование и Одделението за животна средина од Општина Куманово, со поддршка на ЈП Чистота и зеленило – Куманово.
Во акцијата учествуваа ученици и наставници од општинските основни и средни училишта и граѓани активисти кои се залагаат за почиста животна средина.
Беа засадени зимзелени садници и се собираше отпаден материјал на четири локации: ООУ “Кочо Рацин”, ОСТУ “Наце Буѓони”, СОУ “Перо Наков” и паркинг на ТППЕ Куманово.
Овие активности беа организирани во рамки на кампањата “Куманово мој зелен дом” и имаат за цел подигање на  еколошката свест кај граѓаните, особено кај младата популација.
Во еколошката акција учествуваа претставници од општинската администрација кои на учениците им поделија едукативни брошури.