Наградените гимназијалки на прием во Општина Куманово

Претседателката на Советот на Општина Куманово, Ивана Ѓорѓиевска и раководителот на Сектор за образование, Александар Јовановиќ, денеска примија претставници од СОУ Гимназија “Гоце Делчев” – Куманово, предводени од директорката Марија Тодоровска. На средбата им беа упатени честитки на гимназијалките, за постигнатиот успех на Европската олимпијада по англиски јазик, Hippo English Language Olimpiad, која се одржа во Италија (21-23 мај, Lido Di Jesolo).
Ученичките Ива Пешевска (во категорија 4) и Мила Смилевска (во категорија 5), под менторско водство на професорката по англиски јазик Елена Марковска, освоија две трети награди.
Гимназијалките се единствени претставници од Македонија, кои освоија награди на оваа натпреварување.