Пригодно одбележан патрониот празник на ООУ “Толи Зордумис” – Куманово

Денеска завршија тридневните активности во рамки на одбележувањето на патрониот празник на училиштето, кое гордо го носи името на кумановскиот херој и учесник во НОБ, Апостол Толи Зордумис.
Со свечена академија, рецитал, спортски турнир и доделување на награди и признанија на најуспешните ученици,  ООУ “Толи Зордумис” – Куманово, одбележа 61 – годишно постоење, творење и успешно работење на полето на воспитувањето и образованието.
Делегација на Општина Куманово, предводена од претседателката на Советот на Општината, Ивана Ѓорѓиевска, во знак на почит, положи свежо цвеќе пред бистата на патронот, во дворот на училиштето.