Фото салон 2024 Куманово – Меѓународна изложба на уметничка фотографија

Во салонот на Уметничка галерија во Куманово, вечерва беше отворено 18 -то издание на интернационалната изложба на уметничка фотографија – Фото салон 2024, во организација на кумановскиот фото кино клуб “Козјак”. Културно – уметничкиот настан е реализиран со поддршка на Градоначалникот и Советот на Општина Куманово, Министерството за култура на РСМ и под покровителство на Фото сојуз на Македонија – ФСМ. Посетителите имаа можност да разгледаат уметнички дела од 213 автори, од 52 држави од целиот свет.
На најуспешните им беа поделени награди и признанија. На манифестацијата присуствуваа членови на Советот на Општината и претставници од општинската администрација.