Dita e qytetit të Banja Llukës

Me rastin e ditës së Komunës së Banja Llukës, Kryetari i Komunës, Maksim Dimitrievski, me përfaqësues të administratës komunale qëndroi në vizitë dy ditore në këtë qytet. Me Kryetarin e Banja Llukës, Igor Radojiçiq realizuan një takim ku u bisedua për thellimin e bashkëpunimit të ndërsjellë në më shumë sfera, e posaçërisht ndërmjet institucioneve kulturore dhe arsimore të të dy komunave. U morën vesh që gjatë muajve në vijim do t’i intensifikojnë kontaktet e ndërsjela për lidhje regjionale, kurse kah fundi i vitit në Kumanovë do të organizohen “Ditët e Banja Llukës”, ku do të prezantohet oferta kulturore dhe turistike e këtij qyteti të binjakëzuar. Nikoqiri i shprehi falënderime Komunës së Kumanovës për përkrahjen që kjo komunë ia ka dhënë Banja Llukës gjatë vërshimeve katastrofale në vitin 2014.