Граѓански дијалози за односи меѓу заедниците –  работна средба во организација на ЦИВИЛ

Во рамки на проектот “Заедно за подобра иднина”, кој се спроведува и организира од страна на Центарот за слобода – ЦИВИЛ, со поддршка на локалната власт, денеска во Куманово, се одржа јавен настан – Граѓански дијалози за односи меѓу заедниците: Предизвици и решенија.
Градоначалникот на Општина Куманово, Максим Димитриевски и претседателот на ЦИВИЛ, Џабир Дерала,  пред претставниците од медиумите излегоа со нацрт заклучоци и препораки, кои потоа ќе бидат разработени во комуникација со локалните власти и ќе бидат упатени до соодветни институции и организации.