Отворена 23-тата манифестација “Денови на мед” во Куманово

Денеска на градскиот плоштад беше отворена 23-тата манифестација „Денови на мед“, во организација на Пчеларското здружение „Пчела“–Куманово. На тридневната манифестација, која има изложбен и продажен карактер, учествуваат 25 производители на мед и пчелини производи од општина Куманово и по еден од Штип и Скопје. Традиционалната манифестација ја отвори градоначалникот на Општината Димитриевски, а присуствуваа и претседателката на Советот Ѓорѓиевска, како и претставници на општинска администрација. На отворањето од името на Здружението беа доделени плакети и благодарници на најуспешните пчелари од градов.