Пехар на Градоначалник – празничен турнир во мал фудбал

Во низа спортски натпревари во чест на одбележувањето на празникот 11 Ноември, денеска се одигра и традиционалниот турнир во мал фудбал (футсал), во СОУ “Перо Наков” – Куманово, во организација на Општински сојуз на спортови Куманово – ОССК.
Се натпреваруваа пет екипи од општинските средни училишта СОУ Гимназија “Гоце Делчев”, ОСТУ “Наце Буѓони”, СОУ Гимназија “Сами Фрашери”, СОУ “Перо Наков” и ДСУ РЦСОО “Киро Бурназ” – Куманово.
На најуспешните натпреварувачи им беа доделени признанија и дипломи, а првопласираната екипа беше наградена со традиционалниот Пехар на Градоначалник.
На спортската манифестација присуствуваа претставници од општинската администрација.