Средба на градоначалникот Димитриевски со кик-боксерот Методиевски

Градоначалникот на општина Куманово денеска оствари средба со кик боксерот Данило Методиевски и неговиот тренер Јован Крстевски, кои од 27.09 до 01.10.2023 година учествуваа на Светски кик-бокс куп во Лидо ди Јесоло, Италија.

На средбата градоначалникот Максим Димитриевски му честиташе на Данило Методиевски за освоениот сребрен медал, со кој се закити младиот кик-боксер во категорија Постар кадет до 63 килограми. Тој се бореше во конкуренција на 12 кик-боксери во својата категорија.

Општина Куманово ќе продолжи во континуитет да го поддржува неуморниот труд на нашите млади спортисти, кои редат значајни резултати на интернационално ниво.