Свечен прием на делегации по повод празникот на градот 11 Ноември

Во пригодна атмосфера беше организиран прием на делегации, кои пристигнаа од земјава и странство, во чест на одбележувањето на јубилејот на Куманово, 505 години постоење и 80 години од ослободувањето.
Градоначалникот на Општина Куманово, се обрати пред присутните, посакувајќи им пријатен претстој во градот и им се заблагодари за укажаната почит и чест.
На свеченоста беше потпишан Меморандум за соработка помеѓу Општина Куманово, претставувана од градоначалникот Максим Димитриевски и градоначалникот на Општина Елин Пелин, Република Бугарија, Ивајло Симеонов.
На празничниот прием во Занаетчиски дом, беа разменети подароци меѓу делегациите од збратимени општини и претставници на институции од повеќе градови од странство, со кои Општина Куманово има долгогодишна успешна соработка.