Takim për avancimin e arsimit të mesëm profesional

Në sallën e madhe të ndërtesës së ish-organizatave shoqëroro – politike u mbajt një takim për promovimin e arsimit të mesëm profesional. Në takim morën pjesë zëvendës Ministri i Arsimit dhe Shkencës, Arafat Shabani, përfaqësues të shkollave të mesme profesionale komunale, përfaqësues të organizatave ndërkombëtare, institucioneve dhe përfaqësues të platformës për dialogun publik-privat. Qëllimi i takimit ishte specifikimi i nevojave për avancimin e arsimit, përmes ndarjes së informacionit për krijimin e një stafi profesional që do t’i plotësojë nevojat e tregut të punës. Në emër të Komunës së Kumanovës u drejtua Sekretari i Komunës, Aleksandar Gelevski.