Уличен фестивал „КуманиУМ“

На плоштадот „Маршал Тито“ во Куманово, на платото пред НУЦК „Трајко Прокопиев” се одржа овогодинешното издание на уличниот фестивал „КуманиУМ“ (забава за најмалите), во организација на Фондација за култура и спорт Куманово, под покровителство на градоначалник и Совет на општина Куманово. Во рамките на фестивалот се спроведоа неколку активности: ликовна изложба на дела создадени за време на Детскиот ликовен камп „АСНОМ“ – Куманово во период од изминатите три години, перформанси на професионалниот жонглер Дарко Ѓурчиновски, бројни аниматори и маскоти од популарни цртани филмови и видео игри, караоке шоу, катче за face art.