“За Куманово” – музички концерт на УОМО “Панче Пешев” – Куманово

Учениците со своите наставници од УОМО “Панче Пешев”-  Куманово, во чест на празникот 11 Ноември, вечерва одржаа музички концерт, во Занаетчиски дом, Куманово.
Настанот е организиран со поддршка на Општината и Фондацијата за култура и спорт Куманово.
Пред љубителите на музичката уметност настапија солo пејачи, кои интерпретираа познати поп и фолк песни од македонската музичка ризница, соло инструменталисти и оркестар при училиштето, а со изведба на епохалната песна “Куманово во срцето”, се претстави и хорот на музичкото училиште.
На празничната манифестација присуствуваа претседателката на Советот на Општина Куманово, Ивана Ѓорѓиевска, која имаше свое обраќање и претставници од општинската администрација.