2 август – симбол на борбата за слобода и победата на македонската нација

По повод 2 август – Денот на Републиката, денеска во Меморијалниот центар АСНОМ во Пелинце, достојно беше одбележан големиот  македонски  национален празник – 120 години од Илинденското востание и 79 години од првото заседание на АСНОМ.

Со почит кон еден од најзначајните настани од македонската историја, пред споменикот на АСНОМ, свежо цвеќе положи и делегација од општина Куманово, предводена од градоначалникот на Општината Максим Димитриевски.
На свеченото одбележување пред присутните со пригоден говор се обрати претседателот на РСМ Стево Пендаровски.