151-ва годишнина од раѓањето на визионерот за самостојна Македонија Гоце Делчев

Во чест на одбележување на 151 година од раѓањето на деецот и апостол на револуционерна Македонија Гоце Делчев, денеска градоначалникот на Општина Куманово Максим Димитриевски положи свежо цвеќе на гробот на Делчев во црквата „Св. Спас“ во Скопје. Општинската администрација оддаде почит на неговиот лик и визионерски поглед, кој беше свртен кон посветла иднина, преку македонското национално движење како макотрпен процес на будење и осамостојување на македонскиот народ.