Ученици од ООУ “Крсте Мисирков” учесници на Меѓународни спортски игри “Жогарија 2024” во Словенија

Денеска во просториите на општина Куманово претседателката на Совет на Општината и раководителот на Сектор за образование се сретнаа со ученици – спортисти од ООУ “Крсте Мисирков” – Куманово. Целта на денешната средба е нивното учество на Меѓународни спортски игри за ученици од одделенска настава “Жогарија 2024” во Блед – Словенија, кои ќе се одржат во период од 19 – 22 јуни. Како единствена екипа од општина Куманово и државата, ќе земат учество во следниве дисциплини: мешовит фудбал 3 x 3, игри на моторни вештини и женски фудбал (наставник и ученик), квиз на спортско знаење, како и потрага по скриено богатство (ориентација).