Донација за Општина Куманово од Дрекслмајер

Оваа објава е достапна и на: Albanian

Странската компанија ДММ Дрекслмајер Мануфактуринг Македонија ДООЕЛ, донираше патничко моторно возило (комби) за потребите на Општина Куманово.
Возилото е прилагодено за превоз на лица со посебни потреби, поседува автоматска рампа за инвалидска количка и соодветен простор за транспорт на опремата.
Донираното возило ќе биде ставено на располагање на здруженијата кои се грижат за оваа ранлива категорија на граѓани, со што ќе се обезбеди повисоко ниво на нивна инклузивност во општеството. На денешното примопредавање во Општината, присуствуваа градоначалникот Максим Димитриевски и претставници од Дрекслмајер, предводени од генералниот директор Лукас Мирингер. На средбата беа предложени идеи за реализација на проекти во понатамошната соработка, кои би биле од големо значење за граѓаните.